ផ្ទះទឹកនៅក្បាលស្ពានថ្មព្រះពន្លាដងស្ទឹងសិរីសោភ័ណ មិនដឹងអាងអំណាចស្អីបានជាអាជ្ញាធរក្រុងដេញពីម្ខាងទៅដាក់ម្ខាងធ្វើឱ្យប៉ះពាល់បរិស្ថាន
31-December-2018 | ដោយ ពលមនសិការ
បន្ទាយមានជ័យ៖ ផ្ទះទឹកនៅក្បាលស្ពានថ្មព្រះពន្លាដងស្ទឹងសិរីសោភ័ណ មិនដឹងអាងអំណាចស្អីបានជាអាជ្ញាធរក្រុងដេញពីម្ខាងទៅដាក់ម្ខាងធ្វើឱ្យប៉ះពាល់បរិស្ថានក្នុងស្ទឹងនៅជ្រាំងខាងលិច ស្ថិតភូមិ.សង្កាត់ព្រះពន្លា ក្រុងសិរីសោភ័ណ។
បញ្ហាផ្ទះទឹកដែលដាក់ក្នុងស្ទឹងសិរីសោភ័ណ នៅខាងត្បូងក្បាលស្ពានព្រះពន្លានេះត្រូវបានមហាជនរិៈគន់ថា៖ផ្ទះទឹកនេះដាក់ក្នុងស្ទឹង ធ្វើឱ្យប៉ះពាល់បរិស្ថាន និងអនាម័យដោយឃើញនៅផ្ទះទឹកមានបន្ទប់នេះហើយដែលបញ្ហាប្រជាពលរដ្ឋបានរិះគន់យ៉ាងខ្លាំងទៅលើអាជ្ញាធរដែលអសមត្ថភាពការងារ។
ប្រជាពលរដ្ឋបានរិៈគន់ថា៖កាលពីមុនបុណ្យអ៊ុំទូកឃើញផ្ទះទឹកដាក់នៅខាងត្បូងក្បាលស្ពានថ្មព្រះពន្លានៅជ្រាំងខាងលិច ហើយអាជ្ញាធរគ្រោងចាត់វិធានការឱ្យម្ចាស់ផ្ទះទឹករុះរើចេញដោយខ្លួនឯងបើមិនរុះរើចេញទេអាជ្ញាធរ និងរុះរើចេញព្រោះប៉ះពាល់កន្លែងបណ្តែតប្រទីប និងប៉ះពាល់បរិស្ថាននិងអនាម័យទឹកស្ទឹង។
ក្រោយពេលអាជ្ញាធរក្រុងបានណែនាំឃើញម្ចាស់ផ្ទះទឹកដូចជាមិនញញើតអីបន្តិចសោះដោយត្រឹមតែបង្ខិតចេញពីកន្លែងចាស់ទៅខាងត្បូងប្រមាណជាណជា១០ម៉ែត្រ ហើយនៅប្រមាណពីក្បាលស្ពានថ្មព្រះពន្លាជិត២០០ម៉ែត្រត្រើយខាងលិច មាត់ស្ទឹងដដែល។ ព្រោះផ្ទះទឹកនេះជាកន្លែងលេងកំសាន្ត និងផឹកស៊ី និងមានបន្ទប់ទឹកទៀតផងនេះជាបញ្ហាដែលប្រឈមប៉ះពាល់បរិស្ថាននិងអនាម័យ។
ប្រជាពលរដ្ឋសុំឱ្យអាជ្ញាធរក្រុង និងខេត្តត្រូវមានចំណាត់ការយ៉ាងណាមិនឱ្យមានផ្ទះទឹកនៅក្នុងស្ទឹងដែលធ្វើឱ្យប៉ះពាល់បរិស្ថាននិងអនាម័យព្រះទឹកស្ទឹងសិរីសោភ័ណនេះ ត្រូវបានប្រជាពលរដ្ឋប្រើប្រាស់គ្រប់គ្នាមិនឱ្យកើតមានចំពោះផ្ទះលើទឹកទៀតឡើងទើបប្រសើរ ៕
ចំនួនអ្នកទស្សនា
- ថ្ងៃនេះ9291
- ម្សិលមិញ11441
- សប្តាហ៍នេះ39121
- ខែនេះ154271
- ឆ្នាំនេះ154271
- សរុប20596727